Other posts related to erakusketa
Erakusketa / Exposición
getaria09| 2009-06-10 15:58Getaria: Gipuzkoako Kaia
getaria09| 2009-06-09 19:52
Getaria, babes-portua, itsasoari estuki lotua. Historiaurretik, itsasoa, bizigarri iturri: arrain, itsaski, beranduago baleak… Eta merkataritzari esker, gari, ardo, produktu exotikoak… Itsasoa, elkartruke ekonomiko eta kulturalen lokarri: ohitura erromatarren eraginetatik hasi eta behe Erdi Aroan Getariako portua betetzen zuten kanpotar itsasontzietaraino. Itsasoa, gotortu beharreko muga, guda eszenatoki: 1638an, Malkorbeko badian dozena bat ontzi baino gehiago hondoratuak. Itsasoa, munduari bira ematen lehena izan zen Juan Sebastian Elkano bezalako mitoen sorburu.
Getaria, Gipuzkoako portua. Bere historia, 1397. urtean bertako parrokiako pareten artean jaio zen Probintziaren historiari loturik dago. Hiribilduaria ospea eman zioten Probintziaren garapen ekonomikoaren eta itsasoz bestaldeko enpresen partaide izango da. Baita bere gatazka militarren eszenatoki ere, Getariak jasan dituen zenbait suteen sorburu, bertako agiritegietan gorderiko dokumentu historikoekin bukatuz.
Getariako historia, portu baten historia da, beti itsasoaren eta lurraren artean. Bere aztarnak lur-azpian irakur daitezke, bertako elizen, etxeen eta kaleen azpian, baina baita bere eraikinen paretetan ere. Bere herentzia, ezagun egin duen gastronomian, kontserba industrien presentzian eta bertako biztanleen lan eta egunerokotasunean aurki dezakegu.
2009an, zer? / ¿En el 2009, qué?
getaria09| 2009-02-04 10:21Elkanori Buruzko Erakusketa
getaria09| 2008-06-26 15:24
Getariako udalak Elkanorekin zuen zorra kitatu nahi izan du honi buruzko “Primus Circumdedisti me” izena daraman erakusketa interesgarri bat antolatuz. Bertan, itsas gizon ospetsu honen eta munduaren inguruan egin zuen bidaiaren inguruko informazioa eskaintzen da.
Elkano, 1518an Sevillara iritsi zen eta Magalhaesen espedizioan izena eman zuen, Concepcion ontziko maestre moduan. Flotak liderra galdu eta norabidean huts egin zuenean, Elkanok kapitain postua hartu zuen. Getariako seme honek espedizioaren helburua ez ezik, itsas-bidaien historiako ekintza gogoangarriena burutu zuen.
Erakusketa hau Asteartetik larunbatera 10:15etatik 13:30ak arte eta 16:00etatik 19ak arte bisita daiteke eta Igande eta jaiegunetan 10:15etatik 13:30ak arte.
Bisita Gidatuak Aurkezteko Prentsaurrekoa
getaria09| 2008-06-24 10:04
Ekainaren 23 astelehena, Uda honetarako Getarian antolatu diren erakusketa eta bisita gidatuen aurkezpen ofiziala izan da. Bertara herriko zenbait ostalari eta prentsa gonbidatu dira eta Joan Sebastian Elkano marinelari buruzko erakusketaren aurkezpenarekin hasi da ibilbidea. Erakusketa honetan Elkanoren bizitza eta honek buruturiko bidaia famatuaren berri ematen da.
Ondoren, gonbidatuek, Getariako Sustraiak eta Salbatore Deuna, Katedral txiki bat bisita gidatuen berri izan dute. Zarautz Jauregian, Getariak izan duen 2000 urteetako historia ezagutu dute. Askorentzat sorpresa bat izan da arkeologoek Getarian atera dituzten arrasto eta materialak ikustea.
Bisitariak Salbatore Deuna elizaruntz habiatu dira templu honen arkitekturaren eta historiaren berri izateko. Bertako aztarnategian agertu zen eliza zaharraren paretek eta hilerriak templu honen lehen notiziak eman dizkie. Bere historia eta arkitektura ezagutzen jarraitzeko triforio, alboko nabe, kanpandorre eta erronda bidean zehar ibili dira.
Bukatzeko, itsasoko produktuak dastatzeko aukera izan dute Udaletxean antolatu den lunch-ean. Getarian izanik, prentsaurrekoari ezin zitzaion bukaera aproposagorik eman.
